កូវីដ១៩៖ ADB ថាសេដ្ឋកិច្ចកម្ពុជាអាចធ្លាក់ចុះដល់ -៤%ក្នុងឆ្នាំនេះ

December 10, 2020, 11:02 pm

≫ Next: វេសឡាញ សហការជាមួយ Khmum Technologoy ដើម្បីបង្កើនចំណូលរបស់អ្នកអាណាព្យាបាល និងលើកស្ទួយហគ្រាសធុនតូច និងធម្យម

≪ Previous: ទេសាភិបាល ធនាគារជាតិនៃកម្ពុជា ត្រួតពិនិត្យសិក្ខាកាមចំនួន ៨៥រូប ប្រឡងវគ្គ FSI Connect

រាជធានីភ្នំពេញ ៖ ធនាគារអភិវឌ្ឍន៏អាស៊ី ហៅកាត់ថា ADB បានបង្ហាញការព្យាករណ៍ជាថ្មីថា សេដ្ឋកិច្ចកម្ពុជានឹងធ្លាក់ចុះដល់ទៅ-៤%នៅក្នុងឆ្នាំ២០២០នេះ ដោយសារតែ វិបត្តិរីករាលដាលនៃជំងឺកូវីដ១៩។រដ្ឋាភិបាលកម្ពុជាធ្លាប់បានព្យាករណ៍ថា សេដ្ឋកិច្ចប្រទេសខ្លួន នឹងធ្លាក់ចុះមក-១.៩%។ ចំណែក ធនាគារពិភពលោកបានវាយតម្លៃថា សេដ្ឋកិច្ចកម្ពុជានឹងធ្លាក់ចុះ-២ភាគរយ ក្នុងឆ្នាំ២០២០នេះ។

លោក David Freedman សេដ្ឋវិទូរបស់ធនាគារអភិវឌ្ឍន៍អាស៊ីADB ប្រចាំនៅប្រទេស កម្ពុជាបាននិយាយនៅពេលចេញរបាយការណ៍កាលពីថ្ងៃទី១០ ធ្នូថា សេដ្ឋកិច្ចកម្ពុជានឹងធ្លាក់ចុះក្នុងរង្វង់-៤.០ភាគរយនៅក្នុងឆ្នាំ២០២០នេះ ប៉ុន្តែកម្ពុជានឹងមានកំណើនសេដ្ឋកិច្ចស្ទុះឡើងវិញក្នុងរង្វង់៥.៤ ភាគរយនៅឆ្នាំ ២០២១។

ក្រៅពីធនាគារពិភពលោក ធនាគារអភិវឌ្ឍន៍អាស៊ី និងរដ្ឋាភិបាលខ្លួន មូលនិធិរូបិយវត្ថុអន្តរជាតិIMF ក៍ធ្លាប់បានព្យាករណ៍ថា សេដ្ឋកិច្ចនឹងធ្លាក់ចុះ -១.៥% ដែលដោយសារការរាតត្បាតជំងឺកូវីដ១៩នេះ៕

↧

វេសឡាញ សហការជាមួយ Khmum Technologoy ដើម្បីបង្កើនចំណូលរបស់អ្នកអាណាព្យាបាល និងលើកស្ទួយហគ្រាសធុនតូច និងធម្យម

December 11, 2020, 2:29 am

≫ Next: លោក ឃួង ស្រេង ប្រគល់អាល់កុល៤០កាន និងម៉ាស់២ម៉ឺនម៉ាស់ជូនកងទ័ពឈរជើងតាមព្រំដែន

≪ Previous: កូវីដ១៩៖ ADB ថាសេដ្ឋកិច្ចកម្ពុជាអាចធ្លាក់ចុះដល់ -៤%ក្នុងឆ្នាំនេះ

រាជធានីភ្នំពេញ ៖ បណ្តាញគ្រឹះស្ថានអប់រំរបស់ វេសឡាញ បានចុះកិច្ចសហការជាមួយក្រុមហ៊ុន Khmum Technology ដើម្បីបង្កើនប្រាក់ចំណូលរបស់អ្នកអាណាព្យាបាល ព្រមទាំងលើកស្ទួយសហគ្រាសធុនតូច និងមធ្យម តាមរយៈការលក់ផលិតផលក្នុងវេទិកាលក់អនឡាញ (App Khmum eShop) ក្នុងវិបត្តិកូវីដ-១៩ និងបដិវត្តឧស្សហ៍កម្ម 4.០ ។

ឧកញ៉ា ប៉ិច បូឡែន អគ្គនាយក្រុមហ៊ុន វេសឡាញ អេឌ្យូខេសិន គ្រុបបានមានប្រសាសន៍ថា បណ្តាញគ្រឹះស្ថានអប់រំ វេសឡាញ បានស្វែងរកដៃគូសហការវេទិកាលក់អនឡាញជាច្រើនក្រុមហ៊ុន និងប្រើពេលវេលាជាយូរមកហើយ រហូតមកដល់ពេលនេះ វេសឡាញ បានសម្រេចចិត្តធ្វើកិច្ចសហការជាមួយនឹងវេទិកាលក់អនឡាញ Khmum eShop ដោយសារមានលក្ខខណ្ឌពិសេសផ្តល់ជូនដល់ក្រុម គ្រួសារអ្នកអាណាព្យាបាលនៃបណ្តាញគ្រឹះស្ថានអប់រំរបស់វេសឡាញ ព្រមទាំងជាផ្នែកមួយក្នុងការ រួមចំណែកលើកស្ទួយអាជីវកម្មឲ្យបានល្អប្រសើរឡើងវិញបន្ទាប់ពីរងផលប៉ះពាល់ដោយកូវីដ-១៩ ។

ឧកញ៉ាមានប្រសាសន៍បន្ថែមទៀតថា Khmum eShop គឺជាវេទិកាទីផ្សាលក់ផលិតផលអនឡាញ ដោយប្រើប្រាស់បច្ចេកវិទ្យាទំនើប និងងាយស្រួលប្រើប្រាស់ដែលបង្កើតឡើងដោយសហគ្រិនខ្មែរ ដើម្បីលើកកម្ពស់ក៏ដូចជាគាំទ្រផលិតផលរបស់សហគ្រាសធុនតូច និងមធ្យមនៅកម្ពុជា ។ បណ្តាញគ្រឹះស្ថានអប់រំ វេសឡាញ ត្រូវបានបង្កើតឡើងនៅឆ្នាំ២០០៨ រួមមាន សាលារៀនវ៉េស្ទឡាញន៍ ១០សាខា សាលារៀនណត្សឡាញន៍ ១សាខា សាលាអន្តរជាតិ អេបផលទ្រី ១សាខា សាលាអន្តរជាតិ ហ្វររ៉េសហ៊ាល ១សាខា សាលាភាសាអង់គ្លេស លីឌឺលែន ១សាខា និងវិទ្យាស្ថានអភិវឌ្ឍវិស័យអប់រំ ១សាខា ។

ជំទាវ ជា រដ្ឋា អគ្គនាយិកា និងសហស្ថានិកក្រុមហ៊ុន Khmum Technology បានមានប្រសាសន៍ថា ទីផ្សាឌីជីខល មានការអភិវឌ្ឍយ៉ាងឆាប់រហ័ស ជាពិសេសក្នុងស្ថិតភាពវិបត្តិកូវីដ-១៩ ដែលត្រូវពន្លឿនឧហ្សាហកម្ម 4.0 ហើយម្ចាស់អាជីកម្មធុនតូច និងមធ្យមទាំងអស់ត្រូវទទួលយកនិន្នាការ អាជីវកម្មបែបទំនើបនេះ បើមិនដូចនេះទេ អាជីវកម្មរបស់ពួកគាត់នឹងមិនអាចឈរជើងលើទីផ្សាបន្តទៀតទេនៅពេលអនាគត ។ លោកជំទាវមានប្រសាសន៍បន្តទៀតថា គោលបំណងនៃកិច្ចសហការរវាង Khmum eShop និងបណ្តាញគ្រឹះស្ថានអប់រំវេសឡាញ មិនត្រឹមតែជួយដល់សហគ្រាសខ្នាតតូច និងមធ្យមក្នុងយុគសម័យឌីជីថលប៉ុណ្ណោះទេ ប៉ុន្តែថែមជួយដល់អាជីកម្មរបស់អ្នកអាណាព្យាបាល ឱ្យចាប់យកបច្ចេកវិទ្យា ដើម្បីផ្សព្វផ្សាយផលិតផលរបស់ពួកគេផងដែរ ។

សូមបញ្ជាក់ថា Khmum Technology ជាក្រុមហ៊ុនអភិវឌ្ឍកម្មវិធី (Software) ដែលមានជំនាញផ្នែក អាជីវកម្មអេឡិចត្រូនិក ព្រមទាំងបទពិសោធជាច្រើនឆ្នាំទាំងក្នុងស្រុក និងក្រៅស្រុក ។ លោកអ្នកនឹងទទួលបានលក្ខខណ្ឌពិសេស ដូចជាចុះឈ្មោះដោយឥតគិតថ្លៃ ជួយសម្រួលក្នុងការថតរូប ផលិតផល បង្រៀនវិធីប្រើប្រាស់កម្មវិធី (App) និងគ្រប់គ្រងទំនិញ ។ លើសពីនេះ លោកអ្នកអាចទទួលបាន និងរបាយការណ៍គ្រប់គ្រងការលក់ សារពើភ័ណ្ ឌ(ស្តុក) ការបញ្ជាទិញ និងភាពងាយស្រួលក្នុងទំនាក់ទំនងជាមួយអភិជនតាមរយៈទូរស័ព្ទដៃ ព្រមទាំងចំណេញថវិកា ពេលវេលា និងកំលាំងពលកម្ម ៕ ដោយសហការ

↧

លោក ឃួង ស្រេង ប្រគល់អាល់កុល៤០កាន និងម៉ាស់២ម៉ឺនម៉ាស់ជូនកងទ័ពឈរជើងតាមព្រំដែន

December 11, 2020, 4:13 am

≫ Next: OPPO A15 តម្លៃត្រឹមតែ $139 ជាស្មាតហ្វូនល្បីថា ធំ ហើយឆ្លាតបានមកដល់ប្រទេសកម្ពុជាហើយ !

≪ Previous: វេសឡាញ សហការជាមួយ Khmum Technologoy ដើម្បីបង្កើនចំណូលរបស់អ្នកអាណាព្យាបាល និងលើកស្ទួយហគ្រាសធុនតូច និងធម្យម

រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ បានប្រគល់អាល់កុល ៤០កាន និងម៉ាស់២ម៉ឺនម៉ាស់ជូនកងទ័ពឈរជើងតាមព្រំដែន ដែលចងសម្ព័ន្ធមេត្រីភាពជាមួយរដ្ឋបាលរាជធានីភ្នំពេញ ដើម្បីបង្ការ និងទប់ស្កាត់ជំងឺកូវីដ-១៩ ខណៈដែលជំងឺនេះបាន និងកំពុងរាលដាលចូលដល់សហគមន៍ហើយនោះ។ ពិធីប្រគល់ និងទទួលនេះបានធ្វើឡើង នៅសាលារាជធានីភ្នំពេញ នារសៀលថ្ងៃទី១១ ខែធ្នូនេះ ក្រោមវត្តមានលោក ឃួង ស្រេង អភិបាលនៃគណៈអភិបាលរាជធានីភ្នំពេញ និងឧត្តមសេនីយ៍ទោ ឌឹម បូណា មេបញ្ជាការរងកងពលធំអន្តរាគមន៍លេខ៣។

អាល់កុល និងម៉ាស់ទាំងនេះត្រូវបានប្រគល់ជូនទៅកងពលធំអន្តរាគមន៍លេខ៣ នូវអាល់កុលចំនួន ១៤កាន និងម៉ាស់ចំនួន៦០០០ម៉ាស់។ កងពលតូចអន្តរាគមន៍លេខ៩ ជូនអាល់កុលចំនួន១០កាន និងម៉ាស់ចំនួន ៥០០០ម៉ាស់ ។ កងពលតូចអន្តរាគមន៍លេខ១២៨ ជូនអាល់កុលចំនួន១០កាន និងម៉ាស់៥០០០ម៉ាស់។ បញ្ជាការដ្ឋានអង្គរក្សប្រចាំការនៅព្រះវិហារ ជូនអាល់កុលចំនួន៣កាន និងម៉ាស់២០០០ម៉ាស់។ វរនគរបាលការពារព្រំដែន៧៩៣ អាល់កុលចំនួន៣កាន និងម៉ាស់២០០០ម៉ាស់។

សរុបទាំងអស់អាល់កុលចំនួន៤០កាន និងម៉ាស់ចំនួន២ម៉ឺនម៉ាស់។ ឧត្តមសេនីយ៍ទោ ឌឹម បូណា មេបញ្ជាការរងកងពលធំអន្តរាគមន៍លេខ៣ បានថ្លែងអំណរគុណយ៉ាងជ្រាលជ្រៅចំពោះឯកឧត្តម ឃួង ស្រេង អភិបាលរាជធានីភ្នំពេញ ដែលតែងតែគិតគូរចំពោះកងទ័ពឈរជើងតាមព្រំដែន ដែលចងសម្ព័ន្ធមេត្រីភាពជាមួយរដ្ឋបាលរាជធានីភ្នំពេញ ដែលកន្លងមក តែងតែផ្តល់នូវគ្រឿងឧបភោគ បរិភោគ ថវិកា រហូតមក ដើម្បីលើកទឹកចិត្តដល់កងទ័ព៕ ដោយ ៖ ចន ណារិទ្ធ

↧

OPPO A15 តម្លៃត្រឹមតែ $139 ជាស្មាតហ្វូនល្បីថា ធំ ហើយឆ្លាតបានមកដល់ប្រទេសកម្ពុជាហើយ !

December 11, 2020, 7:47 pm

≫ Next: ផ្តល់អំណោយមណ្ឌលកុមារកំព្រានិងមណ្ឌលកុមារគរថ្លង់

≪ Previous: លោក ឃួង ស្រេង ប្រគល់អាល់កុល៤០កាន និងម៉ាស់២ម៉ឺនម៉ាស់ជូនកងទ័ពឈរជើងតាមព្រំដែន

រាជធានីភ្នំពេញ ៖ ទីបំផុត ស្មាតហ្វូន OPPO A15 ដែលលោកអ្នកទន្ទឹងរង់ចាំ គឺបានមកដល់ហើយ ។ បើយោងតាមផេកហ្វេសប៊ុកផ្លូវការរបស់ក្រុមហ៊ុនស្មាតហ្វូនបច្ចេកវិទ្យាឈានមុខ OPPO បានធ្វើការប្រកាសចេញនូវស្មាតហ្វូន A ស៊េរីនេះនៅក្នុងប្រទេសកម្ពុជាបានប្រកាសកាលពីថ្មីៗនេះជាមួយនឹងតម្លៃត្រឹមតែ $139 ប៉ុណ្ណោះ ។

This image has an empty alt attribute; its file name is 4f81f921bf40d7b67b0828787cab7887-1024x1024.jpg

ឆ្ងល់អត់ ? ហេតុអ្វីទើបស្មាតហ្វូន OPPO A15 ទទួលបានការចាប់អារម្មណ៍ខ្លាំងយ៉ាងនេះ ? អាចនិយាយបានថា នេះគឺទូរស័ព្ទតែមួយគត់មានទាំងកាមេរ៉ា AI 3 គ្រាប់, អេក្រង់ HD+ 6.52″, RAM 3GB និង ROM 64GB ថែមទៀត ក្នុងតម្លៃត្រឹមតែ $139 តែប៉ុណ្ណោះ ។

This image has an empty alt attribute; its file name is f5a0c2f035767b23680eb7f54879a729-1024x1024.jpg

អ្វីដែលចាប់អារម្មណ៍លើសពីនេះទៀតគឺ ៖
(1) កម្លាំងម៉ាស៊ីន ៖ កម្លាំងល្បឿន និងអង់ផ្ទុកទិន្នន័យធំជាមួយនឹង RAM 3GB + 32GB និង បន្ថែមអង្គផ្ទុកទិន្នន័យ 32GB និង ដំណើរការដោយ MediaTek Helio P35 ។
(2) កាមេរ៉ា ៖ កាមេរ៉ាក្រោយ 3 គ្រាប់ (13MP+2MP+2MP) ជំនួយដល់ការថតរូបកាន់តែសម្បូរបែប ។ ឯកាមេរ៉ាមុខ 5MP ថតស្វ៊ែលហ្វីអេមកប់ស៊េរីជាមួយមុខងារ AI Beauty លើកសម្រស់ឲ្យកាន់តែស្អាតថែមមួយកម្រិតទៀត ។
(3) រូបរាង ៖ គ្រាន់តែក្រឡេកភ្លេតទាក់ចិត្តភ្លាម ! ជាមួយអេក្រង់ HD+ មានទំហំ 6.52 inch ទំហំធំច្បាស់ភ្លឺភ្នែក ។
(4) ថាមពលថ្ម ៖ លែងធុញនឹងអារម្មណ៍ចុចតិចអស់ថ្ម ចុចតិចអស់ថ្មហើយ ! លើកនេះថាមពលថ្មធំរហូតដល់ 4230mAh ជាមួយកម្លាំងសាកថ្មល្បឿនលឿន 10W Flash charge ។

This image has an empty alt attribute; its file name is 678039394d490f98514bf03631bb354c-1024x1024.jpg

នៅមិនទាន់អស់ទេ OPPO A15 ក៏បំពាក់ជាមួយបច្ចេកវិទ្យាដ៏ទំនើបៗ និងឆ្លាតវៃស្កេនមុខដោះសោថែមទៀត ។ តោះ ! បន្ទាប់ពីដឹងមុខងារ និងលក្ខណៈពិសេសៗរបស់ស្មាតហ្វូននេះហើយ ធានាថាជាប់ចិត្ត និងដកចិត្តស្រលាញ់មិនរួចទេមែនហេ៎ ? ដូច្នេះចាប់ពីថ្ងៃនេះលោកអ្នកអាចរកជាវ OPPO A15 បានជាមួយតម្លៃត្រឹមតែ $139 នៅតាមបណ្តាហាងទូរស័ព្ទទាំងអស់ទូទាំងប្រទេស ។ តោះប្រញាប់ឡើង ប្រយ័ត្នអស់ស្តុកដូចនៅស្រុកគេឥឡូវហើយ ៕ ដោយសហការ

↧

ផ្តល់អំណោយមណ្ឌលកុមារកំព្រានិងមណ្ឌលកុមារគរថ្លង់

December 11, 2020, 7:51 pm

≫ Next: ថវិកាពីសប្បុរសជនសម្រាប់ទិញវ៉ាក់សាំងកូវីដ១៩ កើនដល់ជាង៤៥លានដុល្លារ

≪ Previous: OPPO A15 តម្លៃត្រឹមតែ $139 ជាស្មាតហ្វូនល្បីថា ធំ ហើយឆ្លាតបានមកដល់ប្រទេសកម្ពុជាហើយ !

រាជធានីភ្នំពេញ ៖ លោក ហ៊ុន ម៉ាណែត និងលោកស្រី ពេជ ចន្ទមុន្នី ផ្តល់អំណោយជាគ្រឿងបរិភោគដល់មណ្ឌលកុមារកំព្រានៃអង្គការមូលនិធិកុមារកម្ពុជា (CCF) និងមណ្ឌលកុមារគរថ្លង់នៃវិទ្យាស្ថានជាតិអប់រំពិសេស។

នៅព្រឹកថ្ងៃទី១១ ខែធ្នូ ឆ្នាំ២០២០ នេះ លោក ហ៊ុន ម៉ាណែត និងលោកស្រីពេជ ចន្ទមុន្នីប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជន សម្ដេចតេជោ(TYDA) បានចាត់ក្រុមការងារនាំយកអំណោយជាគ្រឿងឧបភោគ បរិភោគ ដើម្បីផ្តល់ជូនក្មួយៗនៅក្នុងអង្គការមូលនិធិកុមារកម្ពុជា(CCF) និងក្មួយៗនៅមណ្ឌលកុមារគរថ្លង់នៃវិទ្យាស្ថានជាតិអប់រំពិសេស។

ការយកចិត្តទុកដាក់របស់លោក ហ៊ុន ម៉ាណែត និងលោកស្រីពេជ ចន្ទមុន្នី ចំពោះ
ក្មួយៗដែលកំព្រាឪពុកម្ដាយ និងកំពុងសិក្សានៅក្នុងអង្គការមូលនិធិកុមារកម្ពុជា ក៏ដូចជាក្មួយៗ ដែលមានពិការភាពនាពេលនេះ គឺពិតជាបានបង្ហាញនូវទឹកចិត្តដ៏សប្បុរស ការសណ្តោសប្រណី និងការអាណិតស្រលាញ់ ដែលបានផ្តល់ភាពកក់ក្តៅមួយផ្នែកដល់ក្មួយៗផងដែរ។

គួររំលឹកផងដែរ នៅរៀងរាល់ឆ្នាំ សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត តែងតែយកចិត្តទុកដាក់ និងបានចុះសាកសួរសុខទុក្ខដោយផ្ទាល់ ដោយថែមទាំងរៀបចំអាហារជូនក្មួយៗកុមារគរថ្លង់ជានិច្ច ហើយនេះពិតជាបានផ្តល់នូវភាពកក់ក្តៅមួយផ្នែកធំដល់ក្មួយៗទាំងនោះ៕

↧

ថវិកាពីសប្បុរសជនសម្រាប់ទិញវ៉ាក់សាំងកូវីដ១៩ កើនដល់ជាង៤៥លានដុល្លារ

December 12, 2020, 2:13 am

≫ Next: ថ្នាក់ដឹកនាំ ព្រមទាំងនិយោជិតទាំងអស់នៃប្រៃសណីយ៍កម្ពុជា សូមគោរពជូនពរ និងសម្តែងនូវការគោរពដ៏ខ្ពង់ខ្ពស់បំផុតចំពោះសម្តេចតេជោ ហ៊ុន សែន ក្នុងឳកាសរំឭកខួប ៣៦ឆ្នាំ ក្នុងមុខតំណែងជានាយករដ្ឋមន្ត្រី

≪ Previous: ផ្តល់អំណោយមណ្ឌលកុមារកំព្រានិងមណ្ឌលកុមារគរថ្លង់

រាជធានីភ្នំពេញ ៖ ពីមួយថ្ងៃទៅមួយថ្ងៃការបរិច្ចាគថវិកាជាមួយរដ្ឋាភិបាលពីប្រជាពលរដ្ឋកម្ពុជា សម្រាប់ទិញវ៉ាក់សំាងកូវីដ១៩ មកចាក់ជូនពលរដ្ឋដោយឥតគិតប្រាក់បានកើនឡើងជាលំដាប់ ។ គិតត្រឹមល្ងាច ទី១១ ធ្នូ ថវិកាបរិច្ចាគបានពីពលរដ្ឋគ្រប់មជ្ឈដ្ឋានកើនដល់ជាង៤៥លានដុល្លារហើយ ។

សម្តេចតេជោ ហ៊ុន សែន នាយករដ្ឋមន្រ្តី បានប្រកាសពីបំណងទិញវ៉ាក់សាំងប្រឆាំងកូវីដ១៩ ចាក់ជូនប្រជាជនកម្ពុជា ចំនួន១០លាននាក់ ។ ក្នុងចំនួនពលរដ្ឋ១០លាននាក់នេះ ត្រូវការវ៉ាក់សាំង២០លានដូស ដោយមនុស្សម្នាក់ត្រូវចាក់ពីរដង ។ ប្រមុខរដ្ឋាភិបាលបានមានប្រសាសន៍ថា ចំពោះមុខក្នុងដំណាក់កាលទីមួយ គឺកម្ពុជាទិញ ១លានដូស សម្រាប់ចាក់ជូន ៥០ម៉ឺននាក់ ។ ពលរដ្ឋដែលអាចទទួលបានវ៉ាក់សំាងមុនគេមាន គ្រូពេទ្យ កងកម្លំាងប្រដាប់អាវុធ និងគ្រូបង្រៀនជាដើម ។

ពលរដ្ឋកម្ពុជាមានចាប់ពីព្រះមហាក្សត្រ ឥស្សរជន ដែលជាថ្នាក់ដឹកនាំ មន្រ្តីរាជការ ព្រះសង្ឃ ប្រជាពលរដ្ឋសាមញ្ញ ពិសេសអ្នកជំនួញធំៗ ងារជាឧកញ៉ា បានចូលរួមបរិច្ចាគថវិកាជាមួយរដ្ឋាភិបាលយ៉ាងផុសផុល ។ រហូតដល់ព្រឹកថ្ងៃទី១២ ធ្នូ ២០២០នេះ កម្ពុជាមានអ្នកជំងឺកូវីដ១៩ កើនដល់៣៥៧នាក់ ក្នុងនោះអ្នកជំងឺ៣០៧នាក់ បានព្យាបាលជាសះស្បើយ។ អ្នកជំងឺ៥០នាក់ បានកំពុងសម្រាកព្យាបាលនៅក្នុងមន្ទីរពេទ្យ ។

ប្រមុខដឹកនាំកម្ពុជា បានប្រកាសទិញវ៉ាក់សំាង ក្រោយពីកម្ពុជាមានអ្នកជំងឺឆ្លងចូលដល់សហគមន៍ កាលពីថ្ងៃទី២៨ វិច្ឆិកា និងស្របពេលដែលវ៉ាក់ប្រទេសជាច្រើនបានសម្រេចដាក់លក់ និងផ្តើមចាក់ទៅលើប្រជាពលរដ្ឋ។

ដំណឹងល្អពីការមានវ៉ាក់សំាងការពារជំងឺកូវីដ១៩ ក្តី តែមន្រ្តីសុខាភិបាល ទទួចឲ្យពលរដ្ឋបន្តអនុវត្តវិធានការការពាងបន្តទៀត មិនត្រូវប្រហែសនោះឡើយ ។ មន្រ្តីអង្គការសុខភាពពិភពលោក ប្រចំានៅកម្ពុជា បានលើកឡើងថា កម្ពុជា ទំនងរងចំាដល់ខែមីនា ឆ្នាំក្រោយទើបអាចមានវ៉ាក់សំាងចាក់ជូនពលរដ្ឋបាន ៕

↧

ថ្នាក់ដឹកនាំ ព្រមទាំងនិយោជិតទាំងអស់នៃប្រៃសណីយ៍កម្ពុជា សូមគោរពជូនពរ និងសម្តែងនូវការគោរពដ៏ខ្ពង់ខ្ពស់បំផុតចំពោះសម្តេចតេជោ ហ៊ុន សែន ក្នុងឳកាសរំឭកខួប ៣៦ឆ្នាំ ក្នុងមុខតំណែងជានាយករដ្ឋមន្ត្រី

January 13, 2021, 8:40 pm

≫ Next: ឯកឧត្តម ជា ចាន់តូ និងលោកជំទាវ ព្រមទាំងថ្នាក់ដឹកនាំ មន្ត្រី បុគ្គលិកទាំងអស់ ប្រសិទ្ធពរជ័យជូនចំពោះសម្តេចក្រឡាហោម ស ខេង ក្នុងឳកាសខួបកំណើតគម្រប់ ៧០ឆ្នាំ ឈានចូល ៧១ឆ្នាំ

≪ Previous: ថវិកាពីសប្បុរសជនសម្រាប់ទិញវ៉ាក់សាំងកូវីដ១៩ កើនដល់ជាង៤៥លានដុល្លារ

រាជធានីភ្នំពេញ ៖ ថ្ងៃទី ១៤ ខែ មករា ឆ្នាំ ២០២១ នេះ គឺជាខួបទី ៣៦ឆ្នាំ នៃការកាន់តំណែងជានាយករដ្ឋមន្ត្រីរបស់សម្តេចអគ្គមហាសេនាបតីតេជោ ហ៊ុន សែន ( ១៤ មករា ១៩៨៥-១៤ មករា ២០២១) ដែលពេលនោះ សម្តេចតេជោ ជានាយករដ្ឋមន្ត្រីដែលមានវ័យក្មេងជាងគេបំផុតនៅក្នុងពិភពលោក ។ មកដល់ថ្ងៃនេះ សម្តេចតេជោ ហ៊ុន សែន គឺជានាយករដ្ឋមន្ត្រីដែលពលរដ្ឋគោរពស្រឡាញ់ និងគាំទ្រខ្លាំងបំផុត ហើយដែលរក្សាតំណែងជានាយករដ្ឋមន្ត្រីបានយូរជាងគេបំផុតនៅក្នុងពិភពលោក ។

៣៦ឆ្នាំកន្លងទៅនេះ កម្ពុជាបានឆ្លងកាត់មហាឧបសគ្គធំៗរាប់មិនអស់ ប៉ុន្តែប្រមុខដឹកនាំដ៏វៃឆ្លាតនិងមានបទពិសោធន៍បំផុតរបស់កម្ពុជាបានដឹកនាំកសាងអភិវឌ្ឍន៍ប្រទេសជាតិអោយមានការរីកចម្រើនលើគ្រប់វិស័យ និងមានមុខមាត់លើឆាកអន្តរជាតិ មកទល់សព្វថ្ងៃ ។ នៅក្នុងឱកាសដ៏វិសេសវិសាលថ្លៃថ្លានេះ ប្រជាពលរដ្ឋខ្មែរនៅទូទាំងប្រទេស សូមគោរពជូនពរសម្តេចតេជោនាយករដ្ឋមន្ត្រី មានសុខភាពល្អដើម្បីបន្តដឹកនាំកម្ពុជាអោយកាន់តែរីកចម្រើនរុងរឿង និងដើម្បីផ្តល់ជាម្លប់ដ៏កក់ក្តៅបំផុតសម្រាប់ប្រទេសជាតិទាំងមួល ។

នៅក្នុងថ្ងៃរំឭកខួបនេះផងដែរ ថ្នាក់ដឹកនាំព្រមទាំងនិយោជិតទាំងអស់ នៃប្រៃសណីយ៍កម្ពុជា គោរពជូនពរ និងសូមសម្តែងនូវការគោរពដ៏ខ្ពង់ខ្ពស់បំផុត ចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឳកាសរំលឹកខួប ៣៦ឆ្នាំ ក្នុងមុខតំណែងជានាយករដ្ឋមន្ត្រី (១៤ មករា ១៩៨៥-១៤ មករា ២០២១) ៕ ដោយសហការ

↧

ឯកឧត្តម ជា ចាន់តូ និងលោកជំទាវ ព្រមទាំងថ្នាក់ដឹកនាំ មន្ត្រី បុគ្គលិកទាំងអស់ ប្រសិទ្ធពរជ័យជូនចំពោះសម្តេចក្រឡាហោម ស ខេង ក្នុងឳកាសខួបកំណើតគម្រប់ ៧០ឆ្នាំ ឈានចូល ៧១ឆ្នាំ

January 13, 2021, 9:52 pm

≫ Next: ឯកឧត្តម លឹម គានហោ ប្រសិទ្ធពរជ័យជូនចំពោះសម្តេចក្រឡាហោម ស ខេង ក្នុងឳកាសខួបកំណើតគម្រប់ ៧០ឆ្នាំ ឈានចូល ៧១ឆ្នាំ

≪ Previous: ថ្នាក់ដឹកនាំ ព្រមទាំងនិយោជិតទាំងអស់នៃប្រៃសណីយ៍កម្ពុជា សូមគោរពជូនពរ និងសម្តែងនូវការគោរពដ៏ខ្ពង់ខ្ពស់បំផុតចំពោះសម្តេចតេជោ ហ៊ុន សែន ក្នុងឳកាសរំឭកខួប ៣៦ឆ្នាំ ក្នុងមុខតំណែងជានាយករដ្ឋមន្ត្រី

រាជធានីភ្នំពេញ ៖ ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា និងលោកជំទាវ ព្រមទាំងថ្នាក់ដឹកនាំ មន្ត្រី បុគ្គលិកទាំងអស់ សូមបួងសួងដល់វត្ថុស័ក្តិសិទ្ធិក្នុងលោក តាមជួយបីបាច់ថែរក្សា និងប្រសិទ្ធពរជ័យ ជូនចំពោះ សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ នៃព្រះរាជាណាចក្រកម្ពុជា ក្នុងឳកាសដ៏មហាជ័យមង្គលនៃខួបកំណើតគម្រប់ ៧០ឆ្នាំ ឈានចូល ៧១ឆ្នាំ ៕ ដោយសហការ

↧

ឯកឧត្តម លឹម គានហោ ប្រសិទ្ធពរជ័យជូនចំពោះសម្តេចក្រឡាហោម ស ខេង ក្នុងឳកាសខួបកំណើតគម្រប់ ៧០ឆ្នាំ ឈានចូល ៧១ឆ្នាំ

January 13, 2021, 10:08 pm

≫ Next: ឧកញ៉ា ឡេង ណាវ៉ាត្រា បើកក្រុមហ៊ុនចម្រៀងថ្មីមួយទៀតហើយ គឺ Galaxy Navatra International ត្រៀមចេញបទ ដំបូងនេះ ថ្ងៃទី ២២!

≪ Previous: ឯកឧត្តម ជា ចាន់តូ និងលោកជំទាវ ព្រមទាំងថ្នាក់ដឹកនាំ មន្ត្រី បុគ្គលិកទាំងអស់ ប្រសិទ្ធពរជ័យជូនចំពោះសម្តេចក្រឡាហោម ស ខេង ក្នុងឳកាសខួបកំណើតគម្រប់ ៧០ឆ្នាំ ឈានចូល ៧១ឆ្នាំ

រាជធានីភ្នំពេញ ៖ ឯកឧត្តមរដ្ឋមន្ត្រីក្រសួងធនធានទឹក និងឧតុនិយម ប្រធានគណកម្មាធិការជាតិទន្លេមេគង្គកម្ពុជា ប្រធានអាជ្ញាធរទន្លេសាប ឯកឧត្តម លឹម គានហោ និងភរិយា ព្រមទាំងថ្នាក់ដឹកនាំ និងមន្ត្រីរាជការក្រោមឳវាទទាំងអស់ សូមបួងសួងដល់វត្ថុស័ក្តិសិទ្ធិក្នុងលោក តាមជួយបីបាច់ថែរក្សា និងប្រសិទ្ធពរជ័យជូនចំពោះ សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា ឧបនាយករដ្ឋមន្រ្តី និងរដ្ឋមន្ត្រីក្រសួងមហាផ្ទៃ នៃព្រះរាជាណាចក្រកម្ពុជា ក្នុងឳកាសដ៏មហាជ័យមង្គលនៃ ខួបកំណើតគម្រប់ ៧០ឆ្នាំ ឈានចូល ៧១ឆ្នាំ ៕ ដោយសហការ

↧

ឧកញ៉ា ឡេង ណាវ៉ាត្រា បើកក្រុមហ៊ុនចម្រៀងថ្មីមួយទៀតហើយ គឺ Galaxy Navatra International ត្រៀមចេញបទ ដំបូងនេះ ថ្ងៃទី ២២!

January 13, 2021, 11:49 pm

≫ Next: ផាក លែន ៦A របស់ ជីប ម៉ុង លែន នឹងក្លាយជាគម្រោងលំនៅឋានដ៏ល្អឥតខ្ចោះសម្រាប់ការរស់នៅសម័យទំនើប

≪ Previous: ឯកឧត្តម លឹម គានហោ ប្រសិទ្ធពរជ័យជូនចំពោះសម្តេចក្រឡាហោម ស ខេង ក្នុងឳកាសខួបកំណើតគម្រប់ ៧០ឆ្នាំ ឈានចូល ៧១ឆ្នាំ

រាជធានីភ្នំពេញ ៖ Galaxy navatra international ដែលជាផ្នែក មួយរបស់ផលិតកម្ម Galaxy navatra គ្រោងចេញ បទចម្រៀងរបស់ខ្លួនហើយ នៅថ្ងៃទី ២២ ខែ មករា ឆ្នាំ ២០២១ ខាងមុខនេះហើយ។

បើតាមការបង្ហើបពី លោក យឹម តាស្រង់ អ្នកចាត់ការទូទៅរបស់ផលិតកម្ម Galaxy navatra បានឱ្យដឹងថា បទចម្រៀងតារាចម្រៀង ដែលនឹងបើកទំព័រជាប្រវត្តិសាស្ត្រមុនគេលើ Galaxy Navatra International គឺ Tempo Tris ដោយលោក Tempo Tris ជាអ្នកនិពន្ធ នឹងជាអ្នកច្រៀងដោយផ្ទាល់តែម្ដងបទនោះ មានចំណងជើងថា “Bad Boy” ដឹកនាំសម្ដែង Rawyer ព្រមទាំងក្រុមការងារជាច្រើនទៀត។

លោក យឹម តាស្រង់ បានបន្ថែមឱ្យដឹងទៀតថា គោលដៅចម្បងនៃការបង្កើតផលិតកម្មថ្មីនេះ ដើម្បីអភិវឌ្ឍន៍សិល្បៈនៃចម្រៀងសម័យរបស់កម្ពុជា ដើម្បីដើរចូលទីផ្សារបរទេស។ ដើម្បីឱ្យមានគុណភាពរាល់បទចម្រៀង នីមួយៗគ្រប់បទចម្រៀង សុទ្ធតែសម្រិតសម្រាំងនៃការថតជាខ្លាំង ក្នុងនោះដែរបទខ្លះក្រុមហ៊ុនហ៊ានចំណាយ ដល់ ទៅរាប់ម៉ឺនដុល្លារអាមេរិកឯណោះ។
មុនស្ដាប់បទចម្រៀង ប្រិយមិត្តអាចមើលរូបភាពត្រួសៗ ដែលត្រៀមចេញ នៅថ្ងៃទី ២២ ខាងមុខនេះ៕ ដោយសហការ

↧

ផាក លែន ៦A របស់ ជីប ម៉ុង លែន នឹងក្លាយជាគម្រោងលំនៅឋានដ៏ល្អឥតខ្ចោះសម្រាប់ការរស់នៅសម័យទំនើប

January 14, 2021, 2:31 am

≫ Next: អស្ចារ្យមិនធ្លាប់មាន ! លោកឧកញ៉ា បណ្ឌិត អុឹង ឃាង ប្រកាសផ្តល់រថយន្ត ROLLS ROYCE ១គ្រឿងដល់អតិជនទិញផ្ទះនៅសៀមរាប

≪ Previous: ឧកញ៉ា ឡេង ណាវ៉ាត្រា បើកក្រុមហ៊ុនចម្រៀងថ្មីមួយទៀតហើយ គឺ Galaxy Navatra International ត្រៀមចេញបទ ដំបូងនេះ ថ្ងៃទី ២២!

រាជធានីភ្នំពេញ ៖ ជីប ម៉ុង លែន ដែលជាក្រុមហ៊ុនអភិវឌ្ឍន៍អចលនទ្រព្យដ៏ធំ បានបង្ហើបពីការចាប់ផ្តើមអភិវឌ្ឍគម្រោង ផាក លែន ៦A នៅតំបន់ជ្រោយចង្វារនេះ និងគ្រោងប្រកាសថ្ងៃបើកលក់គម្រោងជាផ្លូវការនាពេលឆាប់ៗនេះ ។

គណគ្រប់គ្រងជាន់ខ្ពស់របស់ ជីប ម៉ុង លែន បានអះអាងថា គម្រោង ផាក លែន ៦A ត្រូវបានសិក្សាយ៉ាងលម្អិត ដើម្បីផ្តល់ជូនគម្រោងលំនៅឋានដ៏ទំនើប និងប្រកបដោយភាពជឿជាក់បំផុតសម្រាប់ការរស់នៅក្នុងតំបន់ជ្រោយចង្វា ។

ជីប ម៉ុង លែន តែងតែរក្សាគោលតម្លៃរបស់ខ្លួនក្នុងការផ្តល់ជូនលើសពីលំនៅឋាន តែជាផ្ទះដ៏កក់ក្តៅ និងជឿជាក់បំផុតក្នុងការរស់នៅ ។ តាមរយៈភាពប្រទាក់ក្រឡាគ្នារបស់ ជីប ម៉ុង គម្រោង ផាក លែន ៦A នឹងបំពេញបន្ថែមឲ្យគ្នាទៅវិញទៅមកតាមរយៈវត្តមានពាណិជ្ជកម្មផ្សេងៗរបស់ ជីប ម៉ុង នៅក្នុងគម្រោងនេះ ។ នេះនឹងផ្តល់ជូនអតិថិជននូវភាពងាយស្រួលក្នុងការរស់នៅ និងជាកន្លែងប្រមូលផ្តុំមួយដែលអ្វីៗគ្រប់យ៉ាងសម្រាប់ការរស់នៅកក់ក្តៅ ។

គណគ្រប់គ្រងជាន់ខ្ពស់របស់ ជីប ម៉ុង លែន បានបញ្ជាក់ថា គម្រោង ផាក លែន ៦A របស់ ជីប ម៉ុង លែន នឹងមានផ្សារទំនើប ដែលមានរោងភាពយន្ត ហាងលក់ទំនិញគ្រប់ប្រភេទ ភោជនីយដ្ឋាន ហាងកាហ្វេ សួនច្បារស្ទើរពាសពេញគម្រោង មហាវិថីក្នុងគម្រោងដ៏ធំទូលាយ និងមជ្ឈមណ្ឌលកីឡាដ៏ទំនើប ដែលនឹងធ្វើឲ្យគម្រោង ផាក លែន ៦A នេះ ក្លាយជាគម្រោងលំនៅឋានដ៏ទំនើប និងស័ក្ដិសមបំផុតសម្រាប់ការកសាងគ្រួសារដ៏កក់ក្តៅ ៕ ដោយសហការ

↧

អស្ចារ្យមិនធ្លាប់មាន ! លោកឧកញ៉ា បណ្ឌិត អុឹង ឃាង ប្រកាសផ្តល់រថយន្ត ROLLS ROYCE ១គ្រឿងដល់អតិជនទិញផ្ទះនៅសៀមរាប

January 14, 2021, 6:26 pm

≫ Next: ឧកញ៉ា ឡេង ណាវ៉ាត្រា ឧបត្ថម្ភ ២៥០០០ដុល្លារ ជូនគ្រួសារសព និងអ្នករងរបួសក្នុងគ្រោះថ្នាក់លោតឆត្រយោង

≪ Previous: ផាក លែន ៦A របស់ ជីប ម៉ុង លែន នឹងក្លាយជាគម្រោងលំនៅឋានដ៏ល្អឥតខ្ចោះសម្រាប់ការរស់នៅសម័យទំនើប

រាជធានីភ្នំពេញ ៖ អាចនិយាយបានថា ក្នុងប្រវត្តិសាស្ត្រទីផ្សារអចលនទ្រព្យសម្រាប់ប្រទេសកម្ពុជា មិនធ្លាប់មានឡើយដែលម្ចាស់បុរីហ៊ានផ្ដល់រង្វាន់រថយន្តទំនើប ROLLS ROYCE PHANTOM ដល់អតិថិជននោះ ទើបតែឃើញលោកឧកញ៉ាបណ្ឌិត អុឹង ឃាង ម្ចាស់ «បុរី ឃាង កលិកា» មួយប៉ុណ្ណោះដែលហ៊ានប្រកាសផ្ដល់រង្វាន់រថយន្តទំនើបនេះដល់អតិជនដែល ទិញផ្ទះរបស់លោកឧកញ៉ា ។ នេះបើតាមការបង្ហោះលើផេកផ្លូវការរបស់សេដ្ឋីអចលនទ្រព្យ មួយនេះ ។

លក្ខខណ្ឌដែលអតិថិជនអាចមានឱកាសឈ្នះរង្វាន់រថយន្តទំនើប ROLLS ROYCE PHANTOM ឆ្នាំ 2015 មួយគ្រឿង ដែលមានតម្លៃស្មើរនឹង 450,000 $ លោកអ្នកគ្រាន់តែទិញ ដី ឬផ្ទះណាមួយពី «បុរី ឃាង កលិកា» ដែលមានទឹកប្រាក់ចាប់ពី 15,000$ ឡើងទៅនោះ លោកអ្នកទទួលបានឆ្នោតមួយសន្លឹកភ្លាមៗ ។

ទីតាំង «បុរី ឃាង កលិកា» ស្ថិតនៅទល់មុខច្រកចូលអាកាសយានដ្ឋានអន្តរជាតិសៀម រាប អង្គរថ្មី និងនៅក្បែរគម្រោងអភិវឌ្ឍន៍ទីក្រុងចិន 1000 ហិកតា (airport city) គម្រោងរបស់លោកឧកញ៉ាបណ្ឌិត ជាប្រភេទបុរីផ្ទះអាជីវកម្មដែលមានទំហំធំជាងគេក្នុងខេត្តសៀមរាប លើ ផ្ទៃដី 34 ហិកតា សាងសង់ផ្ទះល្វែង និងខុនដូ ទំនើប ។ ដើម្បីជាទំនុកចិត្តលើអតិជន «បុរី ឃាង កលិកា» បានសម្រួលលក្ខណងាយស្រួលដល់អតិថជនដែលមានដូចជា ៖

១- ការបង់រំលោះគ្មានប្រាក់កក់ និងការប្រាក់ 0% ។
២- មានការធានាទិញត្រឡប់វិញដោយចំណេញ 50% នៃតម្លៃដើម ។
៣- រស់នៅបែបស៊ីវិល័យ និងសម្បូរបែបដូចជា ផ្សារទំនើប កន្លែងកម្សានស្អាតៗ និងទេសភាពថ្ងៃលិចដ៏រ៉ូមែនទិច ។ បងប្អូនវិនិយោគជាមួយ បុរី ឃាង កលិកា និងមានឱកាសចំណេញទ្វេគុណក្នុងពេលដ៏ខ្លី ខាងមុខ ព្រមទាំងមានការធានាទិញត្រឡប់វិញផងដែរ ។

ព័ត៌មានបន្ថែម សូមទាក់ទង់មកកាន់លេខ ៖ 092 765 555 ( Cellcard ), 099 765 555 ( Cellcard ), 077 235 555 ( Cellcard ), 069 235 555 ( Smart ) និង 097 318 1111 ( Metfone ) ។
បញ្ជាក់ទីតាំងស្ថិតនៅទល់មុខអាកាសយានដ្ឋានអន្តរជាតិថ្មី ខេត្តសៀមរាប នៅក្បែរគម្រោង អភិវឌ្ឍន៍ទីក្រុងចិន ។ ការចាប់រង្វាន់ធំនឹងប្រព្រឹត្តទៅនៅថ្ងៃទី ២៥ ខែធ្នូ ២០២១ ដែលមានទី តាំងស្ថិតនៅ បុរី ឃាង កលិកា ខេត្តសៀមរាប ៕ ដោយសហការ

សូមចុច Link នេះដើម្បីមើលវីដេអូ ៖ https://fb.watch/30Ehl8Fobm/

↧

ឧកញ៉ា ឡេង ណាវ៉ាត្រា ឧបត្ថម្ភ ២៥០០០ដុល្លារ ជូនគ្រួសារសព និងអ្នករងរបួសក្នុងគ្រោះថ្នាក់លោតឆត្រយោង

January 14, 2021, 6:53 pm

≫ Next: គម្រោងដ៏ធំ ផាក លែន ៦A របស់ ជីប ម៉ុង លែន ប្រកាសថ្ងៃបើកលក់ជាផ្លូវការហើយ (វីដេអូ)

≪ Previous: អស្ចារ្យមិនធ្លាប់មាន ! លោកឧកញ៉ា បណ្ឌិត អុឹង ឃាង ប្រកាសផ្តល់រថយន្ត ROLLS ROYCE ១គ្រឿងដល់អតិជនទិញផ្ទះនៅសៀមរាប

រាជធានីភ្នំពេញ ៖ ពិតជាគួរឱ្យកោតសរសើរខ្លាំងណាស់ ដែលលោកឧកញ៉ា ឡេង ណាវ៉ាត្រា បានឧបត្ថម្ភប្រាក់សុទ្ធចំនួន ២៥,០០០ដុល្លារ ជូនដល់គ្រួសារសពលោកវរសេនីយ៍ត្រី លឹម សាយ និងគ្រួសាររងរបួសដែលបានធ្វើខុសលក្ខណៈបច្ចេកទេសក្នុងការបញ្ជាឆត្រក្នុងពិធីបិទ វគ្គហ្វឹកហ្វឺនកុម្ម៉ង់ដូរជំនាន់ទី ១០ វគ្គហ្វឹកហ្វឺនឆត្រយោងជំនាន់ទី ២៩ និងបើកវគ្គហ្វឹកហ្វឺន ឆត្រយោងជំនាន់ទី ៣០ នៅសាលាហ្វឹកហ្វឺនទ័ពពិសេសតេជោសែនឱរ៉ាល់ ខេត្តកំពង់ស្ពឺ កាលពីព្រឹកថ្ងៃទី ១៤ខែ មករា ឆ្នាំ ២០២១នេះ ។ នៅក្នុងទឹកប្រាក់ ២៥,០០០ដុល្លារនេះ លោកឧកញ៉ានឹងផ្ដល់ជូនគ្រួសារសពចំនួន ១៥,០០០ដុល្លារ និងគ្រួសារអ្នករងរបួសចំនួន ១០,០០០ដុល្លារ ។

លោកឧកញ៉ា ឡេង ណាវ៉ាត្រា បានថ្លែងថា ក្នុងនាមខ្ញុំបាទជាប្រជាពលរដ្ឋមួយរូបរស់ក្រោម (ដំបូលសន្តិភាព) គុណបំណាច់របស់កងកម្លាំងដែលតែងតែការពារប្រជាជនយ៉ាងកក់ក្ដៅ គ្រប់កាលៈទេសៈក្រុមការងារក៏ដូចជាគ្រួសារខ្ញុំបាទសូមចូលរួមរំលែកទុក្ខយ៉ាងក្រៀមក្រំបំផុតចំពោះមរណភាពរបស់លោកវរ:សេនីយ៍ត្រី លឹម សាយ ដែលនេះគឺជាការបាត់បង់គ្រូ បង្វឹក ដ៏ល្អ និងធនធានដ៏កម្ររបស់កម្ពុជា ។ ខ្ញុំបាទសុំចូលរួមឧបត្ថម្ភ ២៥០០០ដុល្លារ (ពីម៉ឺនប្រាំ ពាន់ដុល្លារ) ដែលជួនទៅគ្រួសារនៃសព (15000 ដុល្លារ) និងគ្រួសារដែលរងរបួសចំនួន( 1 ម៉ឺនដុល្លារ) ។

លោកឧកញ៉ា សូមឱ្យក្រុមគ្រួសារនៃសពទាក់ទងមកលោក ហេង ឡុង ដើម្បីទទួលប្រាក់នេះ ឬផ្ដល់ជាលេខទូរសព្ទដើម្បីក្រុមការងារទាក់ទងទៅវិញ ៕ ដោយសហការ

↧

គម្រោងដ៏ធំ ផាក លែន ៦A របស់ ជីប ម៉ុង លែន ប្រកាសថ្ងៃបើកលក់ជាផ្លូវការហើយ (វីដេអូ)

January 14, 2021, 8:43 pm

≫ Next: ឱកាសពិសេស ! ទិញផ្ទះ ថែមឡាន ពីបុរី ធីវីស្តា ដោយគ្រាន់តែកក់ប្រាក់ ១០% តែប៉ុណ្ណោះ (វីដេអូ)

≪ Previous: ឧកញ៉ា ឡេង ណាវ៉ាត្រា ឧបត្ថម្ភ ២៥០០០ដុល្លារ ជូនគ្រួសារសព និងអ្នករងរបួសក្នុងគ្រោះថ្នាក់លោតឆត្រយោង

រាជធានីភ្នំពេញ ៖ ជីប ម៉ុង លែន បានប្រកាសបើកលក់គម្រោង ផាក លែន ៦A របស់ខ្លួនជាផ្លូវការ នៅថ្ងៃទី ២២ ខែមករា ឆ្នាំ ២០២១ ខាងមុននេះ នៅទីតាំងគម្រោង ផាក លែន ៦A ផ្ទាល់ ដែលស្ថិតនៅតាមបណ្តោយផ្លូវជាតិលេខ ៦A សង្កាត់ព្រែកលាប ខណ្ឌជ្រោយចង្វា ។

ក្នុងសន្និសីទសាព័ត៌មាននៅថ្ងៃ ១៥ ខែមករា ឆ្នាំ ២០២១ នេះលោកឧកញ៉ា លាង ហួង (ហេនរី) អគ្គនាយកក្រុមហ៊ុន ជីប ម៉ុង លែន បានមានប្រសាសន៍ថា ជីប ម៉ុង លែន នឹងអភិវឌ្ឍគម្រោង ផាក លែន ៦A នេះ ទៅជាគម្រោងដ៏ពេញលេញ ដែលមានមណ្ឌលផ្សារទំនើប ជីប ម៉ុង 6A ធំជាងគេក្នុងតំបន់មជ្ឈមណ្ឌលកីឡាដ៏ធំ និងសួនឧទ្យានធម្មជាតិដែលមានមុខងារ ពិសេសជាងគេនៅតំបន់នេះ ។ លោកឧកញ៉ា លាង ហួង (ហេនរី) មានប្រសាសន៍បន្ថែមថា ជីប ម៉ុង លែន មានចក្ខុវិស័យរួមចំណែកប្រែក្លាយតំបន់ជ្រោយចង្វារនេះឱ្យក្លាយជាទីប្រជុំជនដ៏ធំមួយ ។

លោក Arnaud DUFRESNE អគ្គនាយកក្រុមហ៊ុន ជីប ម៉ុង រីថែល បានមានប្រសាសន៍ថា «ជីប ម៉ុង រីថែល នឹងវិនិយោគផ្សារទំនើប ជីប ម៉ុង នៅខាងមុខគម្រោង ផាក លែន ៦A គឺផ្សារទំនើប ជីប ម៉ុង ៦A ដែលផ្សារនេះនឹងក្លាយជាទីប្រមូលផ្តុំហាងទំនិញធំៗ ហាងកាហ្វេ រោងភាពយន្ត កន្លែងកម្សាន្ត ធ្វើឲ្យការរស់ក្នុងតំបន់នេះកាន់តែស៊ីវីល័យ ទំនើប ដែលបំពេញបានគ្រប់តម្រូវការរបស់អតិថិជន ក្នុងយុគសម័យថ្មីនៃការរស់នៅ ។

កម្មវិធីបើកលក់គម្រោងជាផ្លូវការនឹងប្រារព្ធឡើងរយៈពេល ៣ថ្ងៃ គឺថ្ងៃទី ២២ ថ្ងៃទី ២៣ និងថ្ងៃទី ២៤ ខែមករា ឆ្នាំ ២០២១ ខាងមុខនេះ នៅទីតាំងគម្រោង ផាក លែន ៦A ផ្ទាល់ជាមួយនិងការបញ្ចុះតម្លៃដ៏អស្ចារ្យរហូតដល់ 8% និងមិនចាំបាច់មានប្រាក់កក់ និងមិនគិតការប្រាក់រហូតដល់ 18 ខែ ។

សម្រាប់ព័ត៌មានបន្ថែម អាចទាក់ទងតាមរយៈលេខ ០៦១ ៩៩៧ ៨៨៨ ៕ ដោយសហការ

↧

ឱកាសពិសេស ! ទិញផ្ទះ ថែមឡាន ពីបុរី ធីវីស្តា ដោយគ្រាន់តែកក់ប្រាក់ ១០% តែប៉ុណ្ណោះ (វីដេអូ)

January 15, 2021, 2:20 am

≫ Next: ជម្រើសសេវាធនាគារគ្រប់ប្រភេទជាមួយ អេស៊ីលីដា ម៉ូបាល

≪ Previous: គម្រោងដ៏ធំ ផាក លែន ៦A របស់ ជីប ម៉ុង លែន ប្រកាសថ្ងៃបើកលក់ជាផ្លូវការហើយ (វីដេអូ)

រាជធានីភ្នំពេញ ៖ បុរី ធីវីស្តា គឺជាបុរីមួយដែលផ្តល់ជូននូវគុណភាព សោភ័ណភាព និងផាសុខភាពនៃការរស់នៅទៅកាន់អតិថិជនដែលបានទិញផ្ទះល្វែង ផ្ទះអាជីវកម្ម និងផ្ទះវីឡារបស់ខ្លួន រួមជាមួយការផ្តល់ជូនយ៉ាងពិសេសប្លង់រឹងស្របច្បាប់ ១០០% ។ ឥឡូវនេះ បុរី ធីវីស្តា កំពុងផ្តល់ប្រូម៉ូសិនដ៏អស្ចារ្យដែលមិនធ្លាប់មានពីមុនមក ! ទិញផ្ទះ ថែមឡាន ស៊េរីឆ្នាំ ២០២១ មួយគ្រឿង ដោយគ្រាន់តែកក់ប្រាក់ត្រឹមតែ ១០% តែប៉ុណ្ណោះ ។

មានហេតុផលចំបងជាច្រើនដែលលោកអ្នកគួរតែទិញផ្ទះពីបុរី ធីវីស្តា ដែលទី ១ គឺទី តាំង ៖ បុរី ធីវីស្តា សាងសង់លើទីតាំងដែលមានលក្ខណៈពិសេស ៤យ៉ាង គឺ ជាប់ផ្លូវធំ ៣០ ម៉ែត្រ ផ្លូវកែង ខ្ពស់មិនលិចទឹក និងតំបន់កំពុងមានការអភិវឌ្ឍន៍ខ្លាំង, ទី ២ គុណភាព ៖ បុរី ធីវីស្តា សាងសង់ដោយប្រើប្រាស់សម្ភារៈសំណង់ដែលមានគុណភាពខ្ពស់លេខ ១ ដូចជា ៖

ប្រភេទដែក VSD390 ដែកចំរឹងបង្អួច បង្កាន់ដៃ និងដែករ៉ែងចាក់បេតុង ខ្សែភ្លើងគុណភាពស្តង់ ដាររបស់ Singapore ថ្នាំលាបធានា ១២ឆ្នាំមានតែមួយគត់នៅកម្ពុជា ថ្នាំការពារជម្រាបទឹក អំពូលភ្លើងគុណភាពខ្ពស់ LED ។ល។ ក្រុមអ្នកសាងសង់មានជំនាញវិជ្ជាជីវៈច្បាស់លាស់ និងបទពិសោធន៍យូរឆ្នាំ មានភ្ជាប់ប្រព័ន្ធទឹក ភ្លើង លូ បេតុង តាមស្តង់ដារ ភ្ជាប់ភ្លើង ៣២ អំពែ និងដាក់ខ្សែភ្លើងបង្កប់ក្រោមដី, ទី ៣ សោភ័ណភាព ៖ បុរី ធីវីស្តា ពោពេញដោយការឆ្នៃប្រឌិត ខ្ពស់ក្នុងការតុបតែងរចនា ដែលមានភាពសាមញ្ញ ថ្លៃថ្នូរ ប្រកបដោយអត្ថប្រយោជន៍ជាច្រើន, ទី ៤ ផាសុខភាព ៖ បុរី ធីវីស្តា ធ្វើអោយអារម្មណ៍អ្នករស់នៅប្រកបដោយភាពរីករាយ ស្រស់ ស្រាយ និងមានផាសុខភាពតាមរយៈការរៀបចំហេដ្ឋារចនាសម្ព័ន្ធដោយគិតគូខ្ពស់ទៅលើការ រស់នៅ ដូចជាទីធ្លា ចំណតឡាន ពន្លឺ និងខ្យល់អាកាសជាដើម, ទី ៥ តម្លៃ ៖ បុរី ធីវីស្តា ផ្តល់ នូវតម្លៃល្អ និងសមរម្យបំផុត ។ ក្រៅពីប្រូម៉ូសិនដ៍ល្អនេះ បុរី ធីវីស្តា មានថែមជូនសម្ភារៈជាច្រើ នទៀតរហូតដល់ ២២ មុខ ។

សម្រាប់លោកអ្នកដែលចាប់អារម្មណ៍ សូមអញ្ជើញទៅកាន់ទីតាំងផ្ទាល់ ដែលមានអា សយដ្ឋាននៅជាប់ផ្លូវធំ ផ្លូវរដ្ឋ ៣០ម៉ែត្រ ព្រៃសរ ចំការដូង ខណ្ឌដង្កោ រាជធានីភ្នំពេញ ឬទំនាក់ ទំនងតាមរយៈទូរស័ព្ទលេខ ០៦៧៩៨ ២០០០/ ០៩៥ ៩៨ ២០០០ /០៩៨ ៩៨ ២០០០ ។ រួស រាន់ឡើង ! សូមកុំអោយឱកាសដ៏ល្អនេះកន្លងផុតទៅអោយសោះ ។ អស់ស្ទះ ទិញផ្ទះ ថែម ឡាន ពីបុរី ធីវីស្តា ! គុណភាព សោភ័ណភាព ផាសុខភាព គឺជាមាគ៌ារបស់បុរី ធីវីស្តា ។ បុរី ធីវីស្តា រស់នៅដោយមោទនភាព ! ៕ ដោយសហការ
Facebook: https://www.facebook.com/BoreyTVSTAROfficial
Telegram: https://t.me/boreytvstar

↧

ជម្រើសសេវាធនាគារគ្រប់ប្រភេទជាមួយ អេស៊ីលីដា ម៉ូបាល

January 15, 2021, 6:37 pm

≫ Next: ឯកឧត្តម លឹម គានហោ ចុះពិនិត្យការដ្ឋានសាងសង់ប្រព័ន្ធធារាសាស្ត្រព្រែកពោធិ៍ នៅស្រុកស្រីសន្ធរ ខេត្តកំពង់ចាម

≪ Previous: ឱកាសពិសេស ! ទិញផ្ទះ ថែមឡាន ពីបុរី ធីវីស្តា ដោយគ្រាន់តែកក់ប្រាក់ ១០% តែប៉ុណ្ណោះ (វីដេអូ)

រាជធានីភ្នំពេញ ៖ ធនាគារ អេស៊ីលីដា ដែលជាធនាគារខ្មែរដំបូងគេបំផុតបានបង្កើត App បែបឌីជីថល បម្រើសេវាកម្មដល់អតិថិជន-សាធារណជន ក្នុងការផ្ទេរប្រាក់-ទទួលប្រាក់ បង់ថ្លៃទឹកភ្លើង បញ្ចូលកាតទូរស័ព្ទ និងទិញទំនិញផ្សេងៗ… ដោយមិនអស់កម្រៃសេវា ។ ជាពិសេសអតិថិជនអាចដកប្រាក់ដោយមិនប្រើប័ណ្ណបានរហូតដល់ ៥០០០ដុល្លារ ឬ ២០លានរៀលក្នុងមួយថ្ងៃពីម៉ាស៊ីនអេធីអឹមរបស់ធនាគារ អេស៊ីលីដា នៅទូទាំងប្រទេស បានយ៉ាងងាយស្រួលដោយមិនអស់ថ្លៃសេវា ។

លោកស្រី សុខ សោភា នាយិកាប្រតិបត្តិទីផ្សារ ធនាគារ អេស៊ីលីដា បានអោយដឹងថា ឥឡូវនេះ អេស៊ីលីដាម៉ូបាល បានសហការជាមួយធនាគារជាតិ នៃកម្ពុជា ដើម្បីបញ្ជូលកម្មវិ ធីបាគង ដែលកាន់តែធ្វើឲ្យអតិថិជនមានជម្រើសកាន់តែច្រើនក្នុងការផ្ទេរប្រាក់ទៅវិញទៅមក ឆ្លងធនាគារ និងចាយលុយមិនបាច់ប្រើក្រដាសប្រាក់ ។

បាគង ដែលជាកម្មវិធី App ទូរស័ព្ទដៃបានផ្ដួចផ្ដើមបង្កើតដោយធនាគារជាតិ នៃកម្ពុជា ដើម្បី ប្រជាជនខ្មែរអាចផ្ទេរលុយទៅវិញទៅមកឆ្លងធនាគារបានភ្លាមៗ និងចាយលុយមិនបាច់ប្រើ ក្រដាសប្រាក់ ។ អតិថិជនធនាគារ អេស៊ីលីដា អាចភ្ជាប់ App បាគងនេះនៅក្នុងអេស៊ីលីដា ម៉ូបាលសម្រាប់ប្រើប្រាស់ក្នុងការផ្ញើប្រាក់ទៅវិញទៅមករវាងគណនីបាគង និងគណនីធនាគារ ផ្សេងដែលជាសមាជិករបស់ប្រព័ន្ធបាគង ។

វិធីវេរប្រាក់តាមរយៈកម្មវិធី App បានគង នៅក្នុងអេស៊ីលីដាម៉ូបាល ៖ ដំបូងលោកអ្នកចូល ទៅកាន់ អេស៊ីលីដាម៉ូបាល App រួចចុចម៉ឺនុយ “ផ្ទេរប្រាក់ (Transfers)” ។ បន្ទាប់មកជ្រើសរើស “ផ្ទេរទៅធនាគារក្នុងស្រុកតាមប្រព័ន្ធបាគង” រួចហើយសូមជ្រើសរើស “ផ្ទេរប្រាក់ទៅគណនីបាគង ឬផ្ទេរប្រាក់ទៅគណនីធនាគារ” សូមបញ្ជូលព័ត៌មានផ្ទេរប្រាក់ រួចចុចយល់ព្រម សូមផ្ទៀងផ្ទាត់ប្រតិបត្តិការរបស់លោកអ្នក បន្ទាប់មកចុច “ផ្ទេរប្រាក់” ។

លោកស្រី សុខ សោភា បានបន្ថែមថា រហូតមកដល់ឥឡូវនេះ អេស៊ីលីដាម៉ូបាល App មានអតិថិជនជិត ២លាននាក់កំពុងប្រើប្រាស់ ។ បច្ចុប្បន្នធនាគារ អេស៊ីលីដា កំពុងធ្វើឲ្យ កាន់តែទាន់សម័យនូវមុខងារបន្ថែមទៀតដើម្បីបំពេញតម្រូវការអតិថិជនឲ្យកាន់តែសម្បូរបែបក្នុងការប្រើប្រាស់សេវាកម្មជាច្រើនដែលមាននៅក្នុងអេស៊ីលីដាម៉ូបាលដូចជា ៖ ស្កែនទូទាត់ តាម ឃ្យូអរកូដ ក្នុងការទូទាត់ទំនិញ ផ្ទេរប្រាក់មិនអស់កម្រៃសេវាបញ្ចូលទឹកប្រាក់ទូរស័ព្ទ បង់ថ្លៃវិក្កយបត្រអគ្គិសនី ពិនិត្យមើលសមតុល្យគណនី និងរបាយការណ៍គណនីសង្ខេប ដាក់-ដកប្រាក់ បង់ប្រាក់ សំណើសុំឥណទាន បើកគណនីមានកាលកំណត់ ។

សូមបញ្ជាក់ផងដែរថា ធនាគារជាតិ នៃកម្ពុជា បានដាក់ឱ្យប្រើប្រាស់ជាផ្លូវការនូវប្រព័ន្ធបាគង ក្នុងគោលដៅចម្បងៗរួមមានដូចជា ៖ ផ្តល់នូវលទ្ធភាពទូទាត់ឆ្លងគ្រឹះស្ថានធនាគារ, កែលម្អប្រសិទ្ធភាព និងសុវត្ថភាពប្រព័ន្ធទូទាត់សងប្រាក់, ជំរុញបរិញ្ញាប័ណ្ណហិរញ្ញវត្ថុ និងជំរុញការទូទាត់ដោយមិនប្រើក្រដាសប្រាក់ដើម្បីគាំទ្រដល់ចលនាសេដ្ឋកិច្ចជាតិកាន់តែរីកចម្រើន ៕ ដោយសហការ

↧

ឯកឧត្តម លឹម គានហោ ចុះពិនិត្យការដ្ឋានសាងសង់ប្រព័ន្ធធារាសាស្ត្រព្រែកពោធិ៍ នៅស្រុកស្រីសន្ធរ ខេត្តកំពង់ចាម

January 15, 2021, 7:22 pm

≫ Next: Ford Territory 2021 ជារថយន្តដែលស្អាត ឆ្លាត ទំនើបលើសគេ ! (វីដេអូ)

≪ Previous: ជម្រើសសេវាធនាគារគ្រប់ប្រភេទជាមួយ អេស៊ីលីដា ម៉ូបាល

ខេត្តកំពង់ចាម ៖ នាព្រឹកថ្ងៃសៅរ៍ ទី ១៦ខែមករា ឆ្នាំ ២០២១នេះ ឯកឧត្តម លឹម គានហោ រដ្ឋមន្ត្រីក្រសួងធន ធានទឹក និងឧតុនិយម អមដំណើរដោយឯកឧត្តម ចាន់ ស៊ីណាត អនុរដ្ឋលេខាធិការ ឯកឧត្តម ក្រុមប្រឹក្សាខេត្តកំពង់ចាម លោកប្រធានមន្ទីរធនធានទឹក និងឧតុនិយមខេត្តកំពង់ចាម ក្រុម មន្ត្រីបច្ចេកទេស និងអាជ្ញាធរមូលដ្ឋាន បានចុះពិនិត្យការដ្ឋានសាងសង់ប្រព័ន្ធធារាសាស្ត្រព្រែ កពោធិ៍ នៅស្រុកស្រីសន្ធរ ខេត្តកំពង់ចាម ។

គម្រោងសាងសាង់ប្រព័ន្ធធារាសាស្ត្រទំនើបនេះជាជំនួយហិរញ្ញប្បទានពីធនាគារអភិវឌ្ឍន៍អាស៊ី (ADB ) បើតាមផែនការគឺត្រូវបានសាងសង់រួចរាល់ហើយ តែដោយសារការរីករាលនៃ ជំងឺកូវីដ-១៩ បានបង្កភាពយឺតយាវដល់ការអនុវត្តគម្រោងដែលរហូតមកដល់ពេលនេះទើប សម្រេចបានប្រមាណតែ ៣០% ប៉ុណ្ណោះ ។ មិនចំពោះតែគម្រោងនេះ បណ្តាគម្រោងផ្សេងៗ ទៀតដែលសហការជាមួយប្រទេសជាមិត្តផ្តល់ជំនួយ និងដៃគូអភិវឌ្ឍន៍នានាសុទ្ធតែជួបភាព រាំងស្ទះ ដោយសារការពិបាកធ្វើដំណើររចុះពិនិត្យវាយតម្លៃមុននឹងអាចដំណើរសាងសង់ របស់ក្រុមជំនាញការបរទេសក្នុងបរិបទការរាតត្បាតជាសកលនៃជំងឺកូវីដ-១៩ នេះ ។

សូមបញ្ជាក់ថា ទំហំការងារនៃគម្រោងប្រព័ន្ធធារាសាស្ត្រព្រែកពោធិ៍ រួមមាន ៖

– ប្រឡាយមេ ចំនួន ១២ ខ្សែ និងប្រឡាយរង ៤៦ ខ្សែ មានប្រវែងសរុប ១០៥.៣៧ គីឡូម៉ែត្រ ក្នុងនោះប្រឡាយបេតុង មានប្រវែង ២៧.១៩ គីឡូម៉ែត្រ និងប្រឡាយដី ៧៨.១៧ គីឡូម៉ែត្រ ។

-សំណង់សិប្បៈការតូចធំ ចំនួន ១៩៥កន្លែង

– ស្ថានីយបូមទឹកទំនើប ពីទន្លេមេគង្គរង មកប្រឡាយមេ ដើរដោយចរន្តអគ្គីសនី បំពាក់ម៉ូទ័រ ០៧គ្រឿង ចំនួន ០១ កន្លែង ។

គម្រោងប្រព័ន្ធធារាស្ត្រនេះមានលក្ខណៈគ្រប់ជ្រុងជ្រោយ ជាប្រព័ន្ធបេតុងទាំងអស់ និងបំពាក់ ដោយស្ថានីយបូមទឹកទំនើបក្នុងនិយាមអន្តរជាតិ ធ្វើការបូមទឹកពីអាងទន្លេមេគង្គរង ដែលជា សមិទ្ធិផលថ្មីមួយទៀតរបស់រាជរដ្ឋាភិបាលកម្ពុជា និងធនាគារអភិវឌ្ឍន៍អាស៊ី ក្រោមការដឹកនាំ ប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។

ឯកឧត្តមរដ្ឋមន្ត្រី បានធ្វើការកោតសរសើរដល់ក្រុមការងារបច្ចេកទេសសាងសង់ដែលបាន ខិតខំធ្វើការទោះជួបឧបសគ្គនិងបញ្ហាប្រឈមខ្លះៗមួយចំនួន និងណែនាំដល់មន្ទីរ ត្រូវបន្ត តាមដាន និងសហការជាមួយអាជ្ញាធរដែន ដីបន្ថែម ធ្វើយ៉ាងណាឲ្យសំណង់នេះមានគុណ ភាពរឹងមាំយូរអង្វែង ដើម្បីបម្រើជាប្រយោជន៍ដល់ការងារបង្កបង្កើនផល និងផ្តត់ផ្គង់ទឹកប្រើ ប្រាស់ដល់ជីវភាពប្រចាំថ្ងៃរបស់បងប្អូនប្រជាពលរដ្ឋក្នុងតំបន់ ៕ ដោយសហការ

↧

Ford Territory 2021 ជារថយន្តដែលស្អាត ឆ្លាត ទំនើបលើសគេ ! (វីដេអូ)

January 15, 2021, 10:21 pm

≫ Next: អ្នកបាត់ដំបង មានមោទនភាពដោយខេត្តនេះ ក្លាយជាបេក្ខភាពទីក្រុងដែលមានភាពច្នៃប្រឌិតលើផ្នែកម្ហូបអាហារ របស់ UNESCO

≪ Previous: ឯកឧត្តម លឹម គានហោ ចុះពិនិត្យការដ្ឋានសាងសង់ប្រព័ន្ធធារាសាស្ត្រព្រែកពោធិ៍ នៅស្រុកស្រីសន្ធរ ខេត្តកំពង់ចាម

រាជធានីភ្នំពេញ ៖ បើនិយាយពីក្រុមហ៊ុន Ford លោកអ្នកប្រាកដជាគិតដល់រថយន្ត Pick Up មុនគេដោយ សារតែភាពល្បីល្បាញ និងការទទួលស្គាល់គុណភាពពីសំណាក់អតិថិជនអ្នកប្រើប្រាស់ ។ ថ្មីៗនេះយើងសង្កេតឃើញថា រថយន្តប្រភេទ SUV របស់ Ford ត្រូវបានទទួលការចាប់អារម្មណ៍យ៉ាងខ្លាំងទាំងនៅទ្វីបអឺរ៉ុប ទ្វីបអាស៊ី ក៏ដូចជាក្នុងទីផ្សារប្រទេសកម្ពុជាផងដែរនោះគឺរថយន្តម៉ូដែល Ford Territory 2021 ។

រថយន្ត Ford Territory ត្រូវបានបង្កើត និងឌីហ្សាញឡើងនៅក្នុងប្រទេសអូស្ត្រាលី ហើយត្រូវបានធ្វើតេស្តផ្នែកសុវត្ថិភាព សមត្ថភាព និងបច្ចេកវិទ្យាថ្មីៗយ៉ាងម៉ត់ចត់ពីសំណាក់វិស្វករជំនាញរបស់ Ford ដោយធ្វើតេស្តបើកសាកល្បងនៅលើផ្លូវរហូតដល់ទៅជាង 6.8 លានគីឡូម៉ែត្រឯណោះ ទម្រាំតែក្រុមហ៊ុន Ford សម្រេចចិត្តលក់រថយន្តដ៏ទំនើបមួយនេះក្នុងទីផ្សារ ។ ដូច្នេះហើយគ្រប់ចំណុចនៃរថយន្តនេះពិតជាមានភាពពិសេស គឺមិនត្រឹមតែស្អាតតែប៉ុណ្ណោះទេ ហើយថែមទាំងមានសមត្ថភាពខ្ពស់ និងបច្ចេកវិទ្យាឆ្លាតវៃលើសពីការរំពឹងទុកផងដែរ ។

រូបរាងផ្នែកខាងក្រៅនៃរថយន្ត Ford Territory មើលទៅមានភាពទាក់ទាញ និងស៊ីវិល័យខ្លាំងមែនទែន ចំណែកផ្នែកខាងមុខបានរំលេចមកជាមួយប៉ាណាបែបសំណាញ់ពណ៌ខ្មៅរលោង អមជាមួយនឹងការរចនានូវចង្កៀងម៉ូដថ្មីដែលមានរូបរាងប្លែកខុសពីរថយន្ត SUV ដ៏ទៃ ។ ចំណែកឯដំបូលខាងលើជាប្រភេទដំបូលកញ្ចក់ធំពីមុខដល់ក្រោយដែលអាចបើក-បិទបាន (Panoramic Moonroof) ។ ចំពោះពោងសុវត្ថិភាពរបស់រថយន្តនេះវិញ គឺមានរហូតទៅដល់ទៅ 6 ឯណោះដែលនៅចំហៀងសងខាងរថយន្តជាប្រភេទវែងពីមុខដល់ក្រោយ ។

ផ្នែកចំហៀងមើលទៅមានទំហំសមល្មមពេញខ្នាតជារថយន្ត SUV ខ្នាតកណ្តាល រួមជាមួយ នឹងយ៉ាន់ស្ព័រអាលុយមីញ៉ូមទំហំ 18 អ៊ីង ហើយចំណុចមួយដែលគួរអោយកត់សម្គាល់នោះគឺ ផ្នែកខាងក្រោយ មើលទៅខ្ពស់ជាងផ្នែកខាងមុខដែលមើលទៅដូចរថយន្តស្ព័រ រីឯផ្នែកខាងក្រោយនៃរថយន្តក៏មានបំពាក់ជូននូវបំពង់ស៊ីមាំងរហូតដល់ទៅ 2 ដែលកាន់តែលើកសម្រស់រថយន្តនេះថែមមួយកម្រិតទៀត ។ មួយជុំរថយន្ត Ford Territory នេះ មានបំពាក់នូវសេនស័រជំនួយក្នុងការចូលចតរហូតដល់ទៅ 12 គ្រាប់ និងកាមេរ៉ាសុវត្ថិភាពជុំវិញរថយន្តរហូតដល់ទៅ 4 គ្រាប់ដែលជាប្រភេទកាមេរ៉ា 360o កម្រិតខ្ពស់ដែលផ្តល់ជូននូវរូបភាពច្បាស់ល្អ ។

រថយន្ត Ford Territory 2021 ត្រូវបានបំពាក់ជាមួយនឹងម៉ាស៊ីន EcoBoost ជំនាន់ថ្មីទំហំ 1.5L ដែលអាចផលិតកម្លាំងសេះបានរហូតដល់ទៅ 143PS និងកម្លាំងរមួលបានដល់ទៅ 225 N.M ។ ជាមួយនឹងប្រអប់លេខ 8 វគ្គអូតូជំនាន់ថ្មីដែលធ្វើអោយការបើកបរកាន់តែមានភាពរលូន និងចូលលេខបានល្អជាងមុន ។ មុខងារថ្មី 2 ដែលរថយន្ត Ford Territory 2021 មាននោះគឺប្រព័ន្ធហ្វ្រាំងដៃអេឡិចត្រូនិច និងប៊ូតុង Sport Mode សម្រាប់អោយលោកអ្នកបើកបរនៅផ្លូវឆ្ងាយ និងមានល្បឿនលឿន ។ ម្យ៉ាងវិញទៀតលោកអ្នកក៏អាចចេញចូលរថយន្តដោយប្រើនូវប្រព័ន្ធសោឆ្លាតវៃ ចុចបញ្ឆេះរថយន្ត និងអាចចេញចូលដោយគ្រាន់តែចុចប៊ូតុងមួយនៅលើដៃទ្វា ។

រីឯកៅអីរថយន្តមានទម្រង់ក្តោបបែបស្ព័រ ពណ៌ខ្មៅបង្កប់ថ្នេរពណ៌សដែលអង្គុយទៅហាប់ណែនមានផាសុកភាព អមជាមួយនឹងតាបឡូពណ៌ខ្មៅបង្កប់ជាមួយថ្នេរពណ៌សដែលមើលទៅស៊ីគ្នាមែនទែន ។លើសពីនេះទៅទៀតក៏មានបន្ទះឈើប្រណិតនៅខាងក្រោមតាប្លូ និងដៃទ្វាទាំងសងខាងផងដែរ ដែលកាន់តែផ្តល់នូវភាពទាក់ទាញ និងប្រណិតភាពថែមមួយកម្រិតទៀត ។ លើសពីនេះទៅទៀតរថយន្ត Ford Territory 2021 ក៏មានបំពាក់នូវមុខងារក្តៅត្រជាក់នៅលើកៅអីផ្នែកខាងមុខទាំងសងខាងដែលអាចធ្វើការសារ៉េបាន 3 កម្រិតផងដែរ ។

ចង្កូតរថយន្ត Ford Territory ជាចង្កូតបូមអេឡិចត្រូនិចដែលមានភាពធូរងាយស្រួលក្នុងការបើកបរ ហើយនៅលើចង្កូតផ្ទាល់ក៏មានប៊ូតុងជាច្រើនដែលបំពាក់នូវប្រព័ន្ធបញ្ជាដោយសំឡេងបញ្ជា (Voice Command) និងកុងទ័រឌីជីថលម៉ូដថ្មីសន្លាងទំហំ 10 អ៊ីងដែលអាចប្តូររូបរាងបាន 3 ជម្រើស Sport, Fashion និង Classic Mode ។ ហើយខាងក្នុងរថយន្តមានភ្លើងពណ៌លម្អបានរហូតដល់ 7 ពណ៌ (Ambient Lighting) ដែលផ្តល់នូវសោភ័ណភាពពេលលោកអ្នកធ្វើដំណើរពេលយប់ ។

ចំណុចពិសេសថ្មីមួយទៀតនោះគឺ អេក្រង់ Touch Screen ជំនាន់ថ្មីរហូតទៅដល់ 10 អ៊ីង បែងចែកជា 4 ផ្នែកអាចពង្រីកបង្រួមបាន សម្រាប់បញ្ជាគ្រប់គ្រងប្រព័ន្ធម៉ាស៊ីនត្រជាក់ វិទ្យុ តន្ត្រី និងការកម្សាន្តផ្សេងៗ បន្ថែមពីលើនេះលោកអ្នកក៏អាចភ្ជាប់ផ្ទាល់ជាមួយ Apple CarPlay, Android Auto និង Google Map ផងដែរ ។ ជាមួយនឹងអេក្រង់ Touch Screen 10 អ៊ីងជំនាន់ថ្មីនេះ លោកអ្នកអាចមើលកាមេរ៉ា 360 ដឺក្រេ បានមួយជុំវិញរថយន្តយ៉ាងត្រជាក់ភ្នែក និងផ្តល់នូវទិន្នន័យរូបភាពច្បាស់ខ្លាំងមែនទែន ។ រថយន្តនេះក៏មានរន្ធ USB 2 សម្រាប់សាកថ្មឧបករណ៍អេឡិចត្រូនិចផ្សេងៗ និងប្រព័ន្ធសាកថ្មឥតខ្សែ (Wireless Charging) ផងដែរ ។

ចំណុចថ្មីអស្ចារ្យមួយទៀតនោះគឺមាន Mouse សម្រាប់បញ្ជាផ្ទាល់ទៅអេក្រង់ Touch Screen 10 អ៊ីង អមជាមួយនឹងប៊ូតុងសម្រាប់គ្រប់គ្រងវិទ្យុ តន្ត្រី និងការកម្សាន្តផ្សេងៗ ដែលវាជាមុខងារថ្មីមួយទៀតដែលផ្តល់ភាពងាយស្រួលសម្រាប់អ្នកប្រើប្រាស់ ។ រថយន្ត Ford Territory 2021 នេះត្រូវបានបំពាក់មកជាមួយប្រព័ន្ធបន្សុទ្ធខ្យល់កម្រិត PM 2.5 (PM 2.5 Fabric Filter) ដែលប្រព័ន្ធនេះច្រោះយកតែខ្យល់ល្អចូលក្នុងរថយន្តតែប៉ុណ្ណោះ គឺការពារវីរុស បាក់តេរីផ្សេងៗមិនអោយជ្រាបចូលក្នុងរថយន្តបានឡើយ ។

រថយន្ត Ford Territory 2021 បំពាក់ទៅដោយប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយឈានមុខគេរបស់ Ford ដែលមានឈ្មោះថា Ford Co-Pilot 360TM ដែលក្នុងនោះរួមមានដូចជា ៖
• ប្រព័ន្ធជំនួយចូលចតដោយស្វ័យប្រវត្តបែបអក្សរ (T) និងអក្សរ (P) (Active Park Assist System)
• ប្រព័ន្ធកាមេរ៉ាសុវត្ថិភាព 360 ដឺក្រេកម្រិតខ្ពស់ (High Definition 360 Degree Camera)
• សេនស័រជំនួយចូលចតរហូតដល់ទៅ 12 គ្រាប់ (12 Sensors)
• ប្រព័ន្ធផ្តល់ដំណឹងគ្រោះថ្នាក់ផ្នែកចំហៀង (Blind Spot Information System)
• ប្រព័ន្ធផ្ដល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្ត (Pre-Collision Assist with Autonomous Emergency Braking)
• ប្រព័ន្ធផ្តល់ដំណឹងនៅពេលបើកបរចេញពីគន្លងផ្លូវ (Lane Keeping System)
• ប្រព័ន្ធបន្ថយល្បឿន និងរក្សាគំលាតសុវត្ថិភាពដោយស្វ័យប្រវត្ត (Adaptive Cruise Control)
• ប្រព័ន្ធទប់លំនឹងរថយន្តពេលបើកបរលើផ្លូវកោង រអិល និងបញ្ចៀសការក្រឡាប់ (Electronic Stability Control)
• ប្រព័ន្ធហ្វ្រាំង ABS និង EBD (ABS and EBD)
• ប្រព័ន្ធទប់លំនឹងកុំឲ្យរអិលថយក្រោយពេលឡើងចំណោត (Hill Launch Assist)
• និងប្រព័ន្ធសុវត្ថិភាព បច្ចេកវិទ្យាទំនើបៗចុងក្រោយជាច្រើនទៀត ។

សម្រាប់តម្លៃនៃរថយន្ត Ford Territory 2021 ក្នុងទីផ្សារប្រទេសកម្ពុជាគឺមានតម្លៃពិសេសត្រឹមតែ $49,900 តែប៉ុណ្ណោះ ហើយការផ្តល់ជូននេះមានសុពលភាពមុនថ្ងៃសម្ពោធរថយន្តនេះជាផ្លូវការតែប៉ុណ្ណោះ ដូច្នេះសូមបងប្អូនទាំងអស់ប្រញាប់រួសរាន់ឡើង ៕ ដោយសហការ
ចង់ដឹងថា តើប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយទាំងនេះមានភាពអស្ចារ្យយ៉ាងណានោះ សូមទស្សនាវីដេអូនេះទាំងអស់គ្នា ៖

↧

អ្នកបាត់ដំបង មានមោទនភាពដោយខេត្តនេះ ក្លាយជាបេក្ខភាពទីក្រុងដែលមានភាពច្នៃប្រឌិតលើផ្នែកម្ហូបអាហារ របស់ UNESCO

June 28, 2021, 1:41 am

≫ Next: បៀរហ្គាឌិន សេវាទេសចណ៍សំខាន់ក្នុងពេលរាត្រី

≪ Previous: Ford Territory 2021 ជារថយន្តដែលស្អាត ឆ្លាត ទំនើបលើសគេ ! (វីដេអូ)

រាជធានីភ្នំពេញ ៖ ក្រសួងទេសចរណ៍បានបញ្ជាក់ថា ការជ្រើសរើសយកទីក្រុងបាត់ដំបង ដើម្បីចូលជាសមាជិកបណ្តាញទីក្រុងដែលមានភាពច្នៃប្រឌិតលើផ្នែកម្ហូបអាហារ ដោយសារតាមការវាយតម្លៃរបស់ក្រុមការងារជំនាញទីក្រុងបាត់ដំបងមកថា ខេត្តបាត់ដំបងសម្បូរទៅដោយម្ហូបអាហារជាច្រើនប្រភេទ និងច្រើនទម្រង់ដែលត្រូវបានរៀបចំ និងកែច្នៃ ដើម្បីចែករំលែក...

↧

បៀរហ្គាឌិន សេវាទេសចណ៍សំខាន់ក្នុងពេលរាត្រី

November 8, 2021, 9:51 pm

≪ Previous: អ្នកបាត់ដំបង មានមោទនភាពដោយខេត្តនេះ ក្លាយជាបេក្ខភាពទីក្រុងដែលមានភាពច្នៃប្រឌិតលើផ្នែកម្ហូបអាហារ របស់ UNESCO

រាជធានីភ្នំពេញ ៖ បៀរហ្គាឌិនបានចាត់ទុកថា សេវាទេសចរណ៍សំខាន់មួយនៅពេលរាត្រី មានន័យថា នៅពេលអ្នកទេសចរ បានទៅដល់កន្លែងណាមួយបានដើរកម្សាន្តទស្សនាទេសភាពធម្មជាតិ វត្តុបុរាណ ឬទេសចរណ៍កែច្នៃហើយ នៅពេលរាត្រីអាចចូលបៀហ្គាឌិន...

↧